İxtisas: İqtisadiyyat
Fakültə: Magistratura və doktorantura şöbəsi
Təhsilin səviyyəsi: Magistratura
Təhsilin müddəti: 4 semestr (2 il) 
İxtisaslaşma: İqtisadiyyatın hüquqi tənzimlənməsi
Tədrisin dili: Azərbaycan dili
Məzuna verilən ixtisas dərəcəsi: Magistr 

Minimum tələblər
Azərbaycan Universitetinin magistratura ixtisaslarına qəbul olmaq istəyən bakalavrlar Dövlət İmtahan Mərkəzinin keçirdiyi qəbul imtahanlarında iştirak etməlidirlər. Magistraturaya qəbul imtahanları iki mərhələdə keçirilir. Birinci mərhələdə bakalavrların məntiqi təfəkkürü, xarici dil və informatikadan bilik səviyyəsi yoxlanılır və DİM tərəfindən qoyulan şərtləri ödəyənlər imtahanın ikinci mərhələsində iştirak etmək imkanı əldə edirlər. İkinci mərhələdə isə bakalavrların ixtisas üzrə bilikləri yoxlanılır və müsabiqə iki mərhələnin ümumi balı əsasında həyata keçirilir.
Xarici vətəndaşlar isə Dövlət İmtahan Mərkəzinin keçirdiyi imtahanda iştirak etmədən Azərbaycan Universitetinə müraciət edə bilərlər. Azərbaycan Universitetinin magistratura proqramlarına müraciət etmək istəyən xarici vətəndaşlar doldurulmuş ərizə forması ilə yanaşı bakalavriat diplomunun surəti, bakalavriat diplomunun əlavəsinin surəti (Transkript), IELTS, TOEFL kimi ingilis dili biliklərini göstərən sənədin surəti (yaxud ingilis dilinin onların tədqiqatının əsas dili olduğunu sübut edən universitet möhürü ilə rəsmi məktub təqdim etməlidirlər), CV (Curriculum Vitae), xarici pasportun surəti, iki tövsiyə məktubu, 300-400 sözdən ibarət motivasiya məktubunu poçt yaxud e-poçt vasitəsilə universitetə göndərməlidirlər. Bütün sənədlər ingilis dilində təqdim olunmalıdır.
Müraciəti qəbul olunan namizədlər Azərbaycan Universitetinə gələrkən yuxarıda qeyd olunmuş sənədlərin əslini təqdim etməlidirlər. Namizədlər müraciətin nəticəsi haqqında poçt vasitəsi ilə məlumatlandırılırlar.

Tədris proqramının qısa təsviri
İqtisadiyyatın hüquqi tənzimlənməsi ixtisası üzrə magistratura təhsili sərbəst yaradıcılıq fəaliyyəti göstərə biləcək mütəxəssislərin hazırlanması məqsədini güdür. İqtisadiyyatın hüquqi tənzimlənməsi ixtisas proqramı üzrə təhsil alan tələbələr mülki münasibətlər sistemi və onun rolunu, təsərrüfat və kommersiya əməliyyatlarının xüsusiyyətlərini, dövlət orqanlarında və müəssisələrdə  bu biliklərin əməli tətbiq edilməsi məsələlərini öyrənirlər. Onlar təhsil aldıqları müddətdə iqtisadiyyatın müxtəlif sferalarında gələcək karyerada uğur əldə etmək üçün əsas olan fundamental bilik və bacarıqları əldə edirlər.
İxtisas üzrə magistr dərəcəsini əldə etmək üçün  magistrantlar mülki-prosesual məsələlərini tədqiq etməli, problemlərin həlli üçün elmi araşdırmalar aparmalı, bunun üçün istifadə olunan metodları öyrənməlidirlər.

Təhsil haqqı
2000 azn

Əlaqə
Bakı şəhəri, Nəsimi rayonu, Ceyhun Hacıbəyli 71
Tel.: (+99412) 431 41 12 (133), 055 220 40 58
E-poçt: qebul@au.edu.az