Azərbaycan Universitetinin  İnformasiya-kommunikasiya texnologiyaları fakültəsinin tələbələri – Alican Mikayılov, Hüseynqulu Rzayev və Ülvi Sadıqzadədən ibarət komandası Universitet Tələbələrinin Proqramlaşdırma üzrə Beynəlxalq Müsabiqəsinin  (International Collegiate Programming Contest - ICPC)  Qafqaz regionu üzrə mərhələsində 3-cü dərəcəli diploma layiq görülüb, həmçinin müsabiqənin dünya çempionatı üzrə yarımfinalına vəsiqə qazanıb.  “49-cu ICPC – Universitet Tələbələrinin Beynəlxalq Proqramlaşdırma Müsabiqəsi”nin yarımfinal mərhələsi və Cənubi Qafqaz açıq çempionatı dekabrın 13-dən 15-dək Gürcüstanda keçiriləcək. 

Komanda beynəlxalq müsabiqələrə İnformasiya-kommunikasiya texnologiyaları fakültəsinin dekanı Asif Paşayev və Riyaziyyat və informatika kafedrasının müəllimi Əli Qurbanovun rəhbərliyində hazırlaşır. 

Qeyd edək ki, ICPC dünyada tələbələr üçün nəzərdə tutulan nüfuzlu alqoritmik proqramlaşdırma müsabiqəsidir. Müsabiqə dünyada iştirakçıların sayına, elmi və texnoloji səviyyəsinə görə ən prestijli müsabiqələrdən biri hesab olunur.

Tələbələrimizlə fəxr edir, onlara müsabiqənin yarımfinal mərhələsində uğurlar arzulayırıq!

İctimaiyyətlə əlaqələr şöbəsi