Azərbaycan Universitetində Dövlət Proqramının doktorantı Şəmsi Əfəndizadə tərəfindən “Startap layihələri: ideyadan uğura” mövzusunda məlumatlandırıcı vebinar keçirilib.

Beynəlxalq Magistratura və Doktorantura Mərkəzi tərəfindən onlayn formatda təşkil olunan vebinarda iştirakçılara biznes və startapın fərqləri, yeni biznes ideyalarının yaranması və həyata keçirilməsi, startap layihələrinin mahiyyəti və əhəmiyyəti, startapların dünya iqtisadiyyatında yeri, növləri, startap layihələrinin mərhələləri, layihələrin maliyyələşdirilməsi imkanları, startapların uğursuz olma səbəbləri və bu kimi mövzular haqqında məlumat verilib. Uğurlu qlobal və yerli startap nümunələri diqqətə çatdırılıb. 

Daha sonra qeyd olunub ki, startaplar cəmiyyətin müəyyən ehtiyac və problemlərindən yaranır. Bununla yanaşı ”İdeyalar” və “Reallıqlar” mövzusuna toxunan doktorant ideya qədər ekosistemin də startapın uğurunda böyük rol oynadığını vurğulayıb. 

İctimaiyyətlə əlaqələr şöbəsi