Azərbaycan Universiteti bakalavriat səviyyəsinə 23 ixtisas üzrə qəbul aparacaq

08.06.2021 1389

Azərbaycan Universiteti 2021/2022-ci tədris ili üçün bakalavriat səviyyəsinə tələbə  qəbulu elan edir. Qəbul Dövlət İmtahan Mərkəzi (DİM) tərəfindən vahid qaydada aparılır. İki mərhələdə keçirilən qəbul imtahanında əldə etdikləri nəticələrə uyğun olaraq müsabiqədə iştirak hüququ qazanan abituriyentlər Azərbaycan Universitetinin ixtisaslarını da seçə bilərlər. Bütün ixtisaslarımıza Dövlət Sifarişi əsasında (dövlət büdcəsinin vəsaiti hesabına) qəbul mümkündür.

Bu il 23 ixtisas üzrə qəbul aparılır və abituriyentlərə 2 yeni ixtisas təklif olunur. İnformasiya təhlükəsizliyi və Dövlət və ictimai münasibətlər ixtisasları üzrə ilk dəfə qəbul aparılacaq.

 

I QRUP

• İnformasiya təhlükəsizliyi – YENİ İXTİSAS
  Əyani, Azərbaycan bölməsi, 20 yer, 2200 manat (ödənişli əsaslarla təhsil alanlar üçün)
• İnformasiya texnologiyaları
  Əyani, Azərbaycan bölməsi, 25 yer, 2000 manat (ödənişli əsaslarla təhsil alanlar üçün)
• Kompüter mühəndisliyi
  Əyani, 25 yer, Azərbaycan bölməsi, 2000 manat (ödənişli əsaslarla təhsil alanlar üçün)

II QRUP

• Beynəlxalq ticarət və logistika
  Azərbaycan bölməsi Əyani, 15 yer – 2000 manat (ödənişli əsaslarla təhsil alanlar üçün)
• Biznesin idarə edilməsi
  Əyani, Azərbaycan bölməsi, 60 yer – 2000 manat (ödənişli əsaslarla təhsil alanlar üçün)
  Əyani, İngilis bölməsi, 10 yer - 2500 manat (ödənişli əsaslarla təhsil alanlar üçün)
• İqtisadiyyat
  Əyani, Azərbaycan bölməsi, 20 yer - 2000 manat (ödənişli əsaslarla təhsil alanlar üçün)
  Əyani, İngilis bölməsi, 10 yer -  2500 manat (ödənişli əsaslarla təhsil alanlar üçün)
• Maliyyə
  Əyani, Azərbaycan bölməsi, 20 yer - 2000 manat (ödənişli əsaslarla təhsil alanlar üçün)
  Əyani, İngilis bölməsi, 10 yer - 2500 manat (ödənişli əsaslarla təhsil alanlar üçün)
• Marketinq
  Əyani, Azərbaycan bölməsi, 50 yer - 2000 manat (ödənişli əsaslarla təhsil alanlar üçün)
  Qiyabi, Azərbaycan bölməsi, 10 yer – 1800 manat (ödənişli əsaslarla təhsil alanlar üçün)
  Əyani, İngilis bölməsi, 10 yer - 2500 manat (ödənişli əsaslarla təhsil alanlar üçün)
• Menecment
  Əyani, Azərbaycan bölməsi, 20 yer – 2000 manat (ödənişli əsaslarla təhsil alanlar üçün)
• Mühasibat
  Əyani, Azərbaycan bölməsi, 30 yer – 2000 manat (ödənişli əsaslarla təhsil alanlar üçün)
  Əyani, İngilis bölməsi, 10 yer - 2500 manat (ödənişli əsaslarla təhsil alanlar üçün)
• Turizm bələdçiliyi
  Əyani, Azərbaycan bölməsi, 20 yer - 2500 manat (ödənişli əsaslarla təhsil alanlar üçün)
• Turizm işinin təşkili
  Əyani, Azərbaycan bölməsi, 20 yer - 2500 manat (ödənişli əsaslarla təhsil alanlar üçün)
  Qiyabi, Azərbaycan bölməsi, 10 yer – 1800 manat (ödənişli əsaslarla təhsil alanlar üçün)
• Regionşünaslıq (Avropa ölkələri üzrə)
  Əyani, Azərbaycan bölməsi, 15 yer – 2500 manat (ödənişli əsaslarla təhsil alanlar üçün)

III QRUP

• Təhsildə sosial-psixoloji xidmət
  Əyani, Azərbaycan bölməsi, 30 yer – 2500 manat (ödənişli əsaslarla təhsil alanlar üçün)
• Dövlət və ictimai münasibətlər – YENİ İXTİSAS
  Əyani, Azərbaycan bölməsi, 30 yer – 2500 manat (ödənişli əsaslarla təhsil alanlar üçün)
• Fəlsəfə
  Əyani, Azərbaycan bölməsi, 30 yer – 2500 manat (ödənişli əsaslarla təhsil alanlar üçün)
• Filologiya (Azərbaycan dili və ədəbiyyatı)
  Əyani, Azərbaycan bölməsi, 30 yer – 2500 manat (ödənişli əsaslarla təhsil alanlar üçün)
• Filologiya (İngilis dili və ədəbiyyatı)
  Əyani, Azərbaycan bölməsi, 30 yer – 2500 manat (ödənişli əsaslarla təhsil alanlar üçün)
• Politologiya
  Əyani, Azərbaycan bölməsi, 30 yer – 3000 manat (ödənişli əsaslarla təhsil alanlar üçün)
• Tarix
  Əyani, Azərbaycan bölməsi, 30 yer – 2500 manat (ödənişli əsaslarla təhsil alanlar üçün)
• Tərcümə (İngilis dili)
  Əyani, Azərbaycan bölməsi, 45 yer – 3000 manat (ödənişli əsaslarla təhsil alanlar üçün)
• Muzey, arxiv işi və abidələrin qorunması
  Əyani, Azərbaycan bölməsi, 30 yer – 2500 manat (ödənişli əsaslarla təhsil alanlar üçün)
• Sosial iş
  Əyani, Azərbaycan bölməsi, 90 yer, 2500 manat (ödənişli əsaslarla təhsil alanlar üçün)
  Qiyabi, Azərbaycan bölməsi, 10 yer, 1800 manat (ödənişli əsaslarla təhsil alanlar üçün)

Abituriyentlərin nəzərinə çatdırırıq ki,

• Azərbaycan Universitetinə qəbul Dövlət İmtahan Mərkəzi (DİM) tərəfindən və vahid qaydada aparılır.
• Bütün ixtisaslara Dövlət Sifarişi əsasında (ödənişsiz) qəbul mümkündür.
• Tədrisi ingilis dilində aparılan ixtisaslarda tələbələrin ingilis dili hazırlığı üçün 1 (bir) tədris ili ayrılmaqla tədris müddəti 5 ildir. Bu ixtisaslarda müsabiqə Azərbaycan və rus bölmələri üzrə birgə aparılır.
• Tədrisi ingilis dilində aparılan ixtisaslara qəbul olan və ingilis dili biliyini beynəlxalq səviyyəli IELTS (6.0 və yuxarı), TOEFL (75 və yuxarı), PTE (50 və yuxarı) kimi dil sertifikatları ilə təsdiq edən yaxud daxili yerləşdirmə testindən uğurla keçən (Placement Test) tələbələr birbaşa I kursa başlayırlar.
• Ödənişli əsaslarla qəbul olan tələbələr də II semestrdən başlayaraq Dövlət büdcəsinin hesabına təqaüd ala bilirlər. Hazırda Azərbaycan Universitetinin bakalavriat pilləsi üzrə 272, magistratura pilləsi üzrə isə 45 olmaqla 317 tələbəsinə Dövlət büdcəsinin hesabına təqaüd təyin olunub. Təqaüd alan tələbələrdən 185-i Dövlət sifarişi əsasında, 317-si isə ödənişli əsaslarla təhsil alır. Bakalavriat səviyyəsi üzrə təqaüdlərin aylıq məbləği 75, 110 və 130 manat olmaqla tələbənin akademik göstəricilərindən asılıdır və hər semestrin sonunda yenidən dəyərləndirilir.
• Azərbaycan Universiteti tərəfindən təsis olunan "Şəhid Fəxrəddin Qurbanlı adına Təqaüd" birinci tədris ilinin birinci semestrində universitetə ən yüksək balla qəbul olmuş tələbəyə verilir. Təqaüdün ümumi məbləği 500 manat təşkil edir.
• Bakalavriat səviyyəsində Ukraynanın Xarkov Milli Radioelektronika Universiteti ilə birgə kompüter mühəndisliyi ixtisası üzrə Beynəlxalq İkili Diplom Proqramı tətbiq olunur. Proqramın müddəti 4 ildir. Proqramı uğurla başa vuran tələbələr hər iki ali təhsil müəssisəsinin diplomunu əldə edəcəklər.
• Universitet Daxili İki Diplom Proqramı (UDİD) yüksək göstəricilərlə oxuyan tələbələrə əlavə təhsil almaqla 4 ildə 2 ayrı ixtisas üzrə 2 diplom alma imkanı yaradır. Proqrama I kursu bitirmiş, qəbul olduğu ixtisas üzrə nəzərdə tutulan kreditləri qazanan, bu ixtisas üzrə akademik borcu olmayan və orta müvəffəqiyyət göstəricisi 85-100 bal arasında olan tələbələr müraciət edə bilərlər.
• 600 və yuxarı bal toplayaraq ödənişli əsaslarla qəbul olan tələbələr birinci tədris ili üçün təhsil haqqı ödənişindən tam azaddırlar. İkinci tədris ilindən etibarən cari semestr üzrə orta müvəffəqiyyət göstəricisi 85-94,9 qiymətləri A/B olduqda təhsil haqqı ödənişindən 50%, orta müvəffəqiyyət göstəricisi 95 və yuxarı, qiymətləri A/B olduqda təhsil haqqı ödənişindən tam azad olunurlar.
• 500-599 arası bal toplayaraq ödənişli əsaslarla qəbul olan tələbələrə xüsusi güzəşt tətbiq olunur. Güzəştin növbəti tədris illərində də tətbiqi tələbənin müvəffəqiyyət göstəricilərindən asılıdır.
• Azərbaycan Universiteti “Erasmus+”, “Mevlana”, DAAD kimi beynəlxalq mübadilə proqramlarının üzvüdür.  “Erasmus+” proqramı tələbələrə Türkiyə və Avropanın qabaqcıl universitetlərində, DAAD proqramı Almaniya universitetlərində bir yaxud iki semestr müddətində təhsil və akademik təcrübə imkanı qazandırır. “Mevlana” proqramı isə Türkiyə universitetləri ilə akademik mübadiləyə şərait yaradır.
• Tələbələrə 4 il ərzində ixtisas diplomu ilə yanaşı kompüter biliyinin beynəlxalq səviyyədə təsdiq edən ECDL (European Computer Driving Licence) və ingilis dili biliyinin beynəlxalq səviyyədə təsdiq edən PTE (Pearson Test of English) sertifikatları verilir.

Daha ətraflı: /az/menu/596/2021-2022-ci-tedris-ili-ucun-bakalavriat-seviyyesine-qebul-plani

İctimaiyyətlə əlaqələr
08.06.2021