ELANLAR

Azərbaycan Universiteti 2022/2023-cü tədris ili üçün magistratura səviyyəsi üzrə qəbul planı

• Filologiya
  Ədəbiyyatşünaslıq (Amerika ədəbiyyatı) – 3 yer
  Ədəbiyyatşünaslıq (ingilis ədəbiyyatı) – 3 yer
  Azərbaycan dili – 3 yer
  Azərbaycan ədəbiyyatı – 3 yer
  Dilşünaslıq (ingilis dili) – 3 yer
• Tərcümə
  Tərcümə (ingilis dili) – 3 yer
• Tarix
  Azərbaycanın qədim və orta əsrlər tarixi – 5 yer
  Azərbaycanın yeni və ən yeni tarixi – 5 yer
• Maliyyə
  Bank işi – 8 yer
  Vergi və vergiqoyma – 8 yer
• İqtisadiyyat
  İqtisadiyyatın hüquqi tənzimlənməsi – 8 yer
  Turizmin iqtisadiyyatı – 8 yer
• Kompüter mühəndisliyi
  Kompüter mühəndisliyi – 10 yer
• İnformasiya texnologiyaları və sistemləri mühəndisliyi
  Kibertəhlükəsizlik – 10 yer
• Sosial iş
  Həyat fəaliyyətinin müxtəlif sahələrində sosial iş – 15 yer
  Gənclərlə iş – 15 yer
• MBA proqramı
  Biznesin təşkili və idarə edilməsi (maliyyə sahəsi üzrə) – Azərbaycan bölməsi 5 yer, ingilis bölməsi 5 yer
  Biznesin təşkili və idarə edilməsi (vergi üzrə) – Azərbaycan bölməsi 5 yer, ingilis bölməsi 5 yer
  Biznesin təşkili və idarə edilməsi (mühasibat uçotu üzrə) – Azərbaycan bölməsi 5 yer, ingilis bölməsi 5 yer
  Biznesin təşkili və idarə edilməsi (menecment uçotu üzrə) – Azərbaycan bölməsi 5 yer, ingilis bölməsi 5 yer

Bakalavrların nəzərinə çatdırırıq ki,

• Azərbaycan Universitetinin magistratura pilləsinə qəbul Dövlət İmtahan Mərkəzi (DİM) tərəfindən və ümumi qaydalarla aparılır.
• Bütün ixtisaslaşmalarda təhsilalma forması əyanidir.
• MBA istisna olmaqla bütün ixtisaslaşmalara dövlət sifarişi əsasında (ödənişsiz) qəbul mümkündür.
• Ödənişli əsaslarla təhsil alanlar üçün Tərcümə (ingilis dili) ixtisaslaşması üzrə təhsil haqqı 1500 manat, Həyat fəaliyyətinin müxtəlif sahələrində sosial iş və  Gənclərlə iş ixtisaslaşmaları üzrə 2200 manat, digər bütün ixtisaslaşamalar üzrə isə 2000 manatdır.
• Ödənişli əsaslarla qəbul olan tələbələr də II semestrdən başlayaraq Dövlət büdcəsinin vəsaiti hesabına təqaüd alırlar. Təqaüdlərin məbləği 96, 144, 174 manat olmaqla tələbənin akademik göstəricilərindən asılıdır və hər semestrin sonunda yenidən dəyərləndirilir.
• Azərbaycan Universiteti “Erasmus+”, “Mevlana”, DAAD kimi beynəlxalq mübadilə proqramlarının üzvüdür.  “Erasmus+” proqramı tələbələrə Türkiyə və Avropanın qabaqcıl universitetlərində, DAAD proqramı Almaniya universitetlərində qısa müddətli təhsil imkanı qazandırır. “Mevlana” proqramı isə Türkiyə universitetləri ilə akademik mübadiləyə şərait yaradır.
• Azərbaycan Universitetinin bakalavriat pilləsindən bu il məzun olanlara təhsil müddəti ərzində təhsil haqqına 10 faiz güzəşt tətbiq olunacaq.

İmtiyazlı statusda olan tələbələr

• Azərbaycan Respublikasının ərazi bütövlüyünün, müstəqilliyinin və Konstitusiya quruluşunun müdafiəsi zamanı əlil olmuş; Azərbaycan Respublikasının azadlığı, suverenliyi və ərazi bütövlüyü uğrunda həlak olmuş; Hərbi əməliyyatla əlaqədar itkin düşən və məhkəmə tərəfindən ölmüş elan edilən vətəndaşların övladlarının təhsil haqqı Azərbaycan Respublikası Nazirlər Kabinetinin 2010-cu il 25 iyun tarixli 120 nömrəli qərarı ilə təsdiq edilmiş təhsil xərcləri miqdarında dövlət büdcəsinin vəsaiti hesabına,  geri qalanı isə Azərbaycan Universitetinin büdcəsi hesabına ödənilir.
• Hər iki valideynini itirmiş; valideyn himayəsindən məhrum olmuş yaxud bir valideyni vəfat etmiş və o biri valideyni I yaxud II qrup əlil olan 23 yaşınadək tələbələrin təhsi haqqı tam miqdarda dövlət büdcəsinin vəsaiti hesabına ödənilir.
• I və II dərəcə əlilliyi olan şəxslər, habelə sağlamlıq imkanları məhdud 18 yaşınadək uşaqların təhsil haqqı tam miqdarda dövlət büdcəsinin vəsaiti hesabına ödənilir.

Daha ətraflı məlumat üçün bizə yaza bilər, yaxud əlaqə saxlaya bilərsiniz.

• E-poçt: qebul@au.edu.az
• Tel.: (+99412) 431 41 12/13/16 (133)

İctimaiyyətlə əlaqələr şöbəsi
13.06.2022