“Oxbridge Academy” tərəfindən Azərbaycan Universiteti Xarici dillər kafedrasının müəllimləri üçün “Pearson Test of General English” proqramı əsasında təlim keçirilir. Qurumun ingilsi dili departamentinin rəhbəri Aminta Michel Abdinova tərəfindən aparılan təlimdə iştirakçılara yeni tədris ilində tətbiq olunacaq proqram haqqında müvafiq məlumatlar çatdırılır.

Kafedra müdiri Samirə Məmmədova və dil dərslərini tədris edən 28 müəllimin iştirak etdiyi təlim 3 gün davam edəcək.

Qeyd edək ki, Xarici dillər kafedrası Azərbaycan Universitetinin ingilis dilli ixtisaslarında təhsil alan tələbələrin dil hazırlığını həyata keçirir. Digər ixtisaslar üzrə ingilis dilinin tədrisi də kafedraya həvalə edilib. 

İctimaiyyətlə əlaqələr şöbəsi
22.08.2017