Azərbaycan Universitetində Humanitar və sosial elmlər fakültəsinin Tələbə Elmi Cəmiyyətinin təşkilatçılığı ilə “Poeziyada sən” adlı şeir müsabiqəsi keçirilib. 16 tələbənin iştirak etdiyi müsabiqədə iştirakçılar münsiflər heyəti qarşısında öz şeirlərini səsləndiriblər. 

Münsiflər heyətində Humanitar və sosial elmlər fakültəsinin dekanı Səfər Məmmədov, Tərcümə və filologiya kafedrasının müdiri Gülnar Rzayeva, kafedranın professoru Asif Hacıyev, kafedranın müəllimi Hüseyn Hüseynli, şair Şəhriyar Del Gerani təmsil olunub. 

Münsiflər heyəti uzun və gərgin müzakirədən sonra qərarını açıqlayıb. Heyətin rəyi əsasında Dövlət və ictimai münasibətlər ixtisasının I kurs tələbəsi İslam Lətifzadə III yerə, Sosial iş ixtisasının I kurs tələbəsi Cansu Nəzərova II yerə, Beynəlxalq münasibətlər ixtisasının I kurs tələbəsi Aqil Nuriyev I yerə layiq görülüb. Müsabiqədə qaliblər, İslam Lətifzadə “Göz yaşı”, Cansu Nəzərova “Sənin üçün darıxmışam”, Aqil Nuriyev isə “Məhəbbətim” adlı şeiri ilə iştirak edib. 

Sonda qaliblər sertifikat və kitab hədiyyəsi ilə mükafatlandırılıblar. 

İctimaiyyətlə əlaqələr şöbəsi