Azərbaycan Universitetinin Təlim və Tədris Mərkəzi və Keyfiyyət təminatı şöbəsinin cari tədris ili ərzində universitetin akademik heyəti üçün planlaşdırdığı 3-cü təlim moduluna start verilib. Modul mərkəzin müdiri, peşəkar kurikulum təlimçisi Samir Salayev tərəfindən  “Bilet suallarının düzgün tərtib edilməsi və FTN-lərin qiymətləndirilməsi” mövzusunda həyata keçirilir. 

Noyabrın 12-də başlayan və əsasən praktik fəaliyyətlərlə müşayiət olunan təlimlər noyabrın 28-ə qədər davam edəcək. Təlimlərin müxtəlif tarix və saatlarda olmaqla 15 qrup üçün təşkil olunması planlaşdırılıb. 

Qeyd edək ki, Azərbaycan Universitetinin Təlim və Tədris Mərkəzi tərəfindən cari tədris ilinin ilk semestri ərzində akademik heyət üçün 4 təlim modulunun təşkili nəzərdə tutulub. Hər modulun sonunda xüsusi tapşırıqlarla qiymətləndirilən iştirakçılara uğurlu praktik bacarıqlarına əsasən müvafiq sertifikat təqdim olunacaq. 

İctimaiyyətlə əlaqələr şöbəsi