Ali təhsil müəssisələrinə qəbul olunan abituriyent və subbakalavrlar sentyabrın 7-dən 20-dək qəbul olunduqları təhsil müəssisəsi üzrə elektron qaydada qeydiyyatdan keçməlidirlər. Bunun üçün portal.edu.az platformasında qeydiyyatdan keçmək və yaradılmış kabinetə daxil olduqdan sonra təqdim edilən xidmətlər sırasından “Ali və orta ixtisas təhsil müəssisələrinə təhsilalan qeydiyyatı” xidmətini seçmək lazımdır.

Qeydiyyat zamanı tələb olunan sənədlər və digər məsələlərlə bağlı ətraflı məlumat Azərbaycan Universitetinin intrenet resurslarında (sayt, Facebbok və İnstaqram səhifələri) yerləşdiriləcək.

Qeyd edək ki, abituriyent və subbakaların bu müddətdə qeydiyyatdan keçməməsi onun yerləşdirildiyi ixtisas üzrə təhsil almaqdan imtina etməsi kimi qiymətləndirilir və onun qəbul əmri təhsil müəssisəsinə göndərilmir. Bu abituriyentlər boş qalan yerlər üzrə keçirilən müsabiqəyə buraxılmırlar.