Azərbaycan Universiteti rektorunun müşaviri, Beynəlxalq Magistratura və Doktorantura Mərkəzinin direktoru, tarix üzrə fəlsəfə doktoru, dosent Nüşabə Quliyeva Rusiya Təbiət Elmləri Akademiyası tərəfindən təltif edilib.

Nüşabə Quliyeva təhsil sahəsindəki uğurlu fəaliyyətlərinə görə akademiyanın “Gənclərin təhsilində uğura görə” (За успехи в образовании юношества) medalına layiq görülüb.

Qeyd edək ki, “Gənclərin təhsilində uğura görə” diplom və medalı 2017-ci ildə Rusiya Təbiət Elmləri Akademiyasının Rəyasət Heyətinin qərarı ilə təsis edilib. Mükafat təhsilin inkişafında böyük nailiyyətlərinə görə alim və pedaqoqlara, təhsil müəssisələrinin rəhbərlərinə, gənc nəslin mənəvi-əxlaqi, vətəndaşlıq və vətənpərvərlik tərbiyəsi sahəsində layihələr, proqramlar, təşəbbüslər həyata keçirən ictimai təşkilat və icma nümayəndələrinə, bu istiqamətdə maarifləndirici fəaliyyət göstərən media nümayəndələrinə verilir. 

İctimaiyyətlə əlaqələr şöbəsi