Danışıq klubu
Danışıq klubu 2022-ci ildə fəaliyyətə başlayıb. Xarici dillər kafedrasının nəzdində fəaliyyət göstərən klubun rəhbəri Aygün Qasımova, sədri isə Marketinq (ingilis dilində) ixtisası üzrə təhsil alan tələbə Günel Azimovadır.
Instagram: @au.foreign.languages
Klub xarici tələbələr də daxil olmaqla müxtəlif ixtisaslarda təhsil alan ingilis dili bacarıqlarını inkişaf etdirmək istəyən tələbələrin birliyidir. Klubun əsas məqsədi tələbələrin kommunikasiya bacarıqlarını inkişaf etdirmək, öz fikirlərini sərbəst ifadə etməyi öyrətmək və interaktiv, çoxdilli öyrənmə mühitini formalaşdırmaqdır. Bunun üçün klub mütəmadi olaraq interaktiv müzakirələr, rollu oyunlar, debat sessiyaları, film və kitab müzakirələri təşkil edir.
Klubun missiyası tələbələrə sərbəst danışıq imkanı təqdim etmək, müxtəlif mədəniyyətləri tanımağa və mədəniyyətlərarası ünsiyyət bacarıqlarını artırmağa kömək etməkdir.
Klubun fəaliyyətlərini tələbələr kafedranın müəllimləri birlikdə aparırlar, bu da interaktiv və effektiv öyrənmə mühitinin yaranmasına şərait yaradır.
Kluba üzv olmaq üçün əvvəlcə Xarici Dillər kafedrası tərəfindən Danışıq klubu haqqında elan verilir və tələbələr klubun fəaliyyəti ilə tanış olurlar. Maraqlanan tələbələr ad, soyad, qrup nömrəsi və əlaqə telefonlarını kafedraya təqdim edirlər. Daha sonra onlarla əlaqə saxlanılır və klub fəaliyyətlərinə dəvət olunurlar.
Klubun fəaliyyət planı (2025/2026-cı tədris ili üzrə)
2025–2026-cı tədris ilində klubun fəaliyyətinə Fulbright proqramı çərçivəsində, ABŞ səfirliyi tərəfindən Xarici Dillər kafedrasına yönəldilən nümayəndə Johnae Spain dəstək verəcək və sessiyaların əksəriyyətini moderasiya edəcək. O, tələbələrlə praktiki danışıq məşqləri aparacaq, mövzuların seçilməsinə, mədəniyyətlərarası ünsiyyət fəaliyyətlərinə və interaktiv oyunların hazırlanmasına rəhbərlik edəcək.
Danışıq klubun fəaliyyəti Johnae Spain ilə yanaşı, klubun sədri, Marketinq (ingilis dilində) ixtisası üzrə təhsil alan Günel Azimova və kafedranın müəllimi Fariz Kazımov tərəfindən də aparılacaq.Tələbə sədri və klub üzvləri Johnae Spain ilə koordinasiya və təşkilati işləri birlikdə icra edəcəklər.
I semestr (sentyabr – dekabr)
- Açılış və Tanışlıq Sessiyası
Klubun məqsəd, vəzifə və fəaliyyət qaydalarının təqdimatı
Üzvlərin qeydiyyatı və dil səviyyəsinin ilkin qiymətləndirilməsi
Tanışlıq oyunları və “Icebreaker” fəaliyyətləri
İlk danışıq tapşırıqları və qrup formalaşdırılması - Tematik Danışıqlar və Oyunlar
Həftəlik mövzu əsaslı sessiyalar (səyahət, təhsil, texnologiya, karyera, gələcək planlar)
Rollu oyunlar:
“İş görüşü”
“Qonaq–Turist dialoqu”
“Restoranda sifariş vermə”
Kiçik debatlar - Debatlar və Yeni il tədbirləri
Aktual mövzularda debat sessiyaları və arqumentasiya məşqləri
Yeni il şənliyi və müxtəlif ölkələrin yeni il ənənələri haqqında müzakirələr
Yaradıcılıq fəaliyyətləri: Yeni il nitqləri və mini-tamaşalar
II semestr (fevral – iyun)
- Film və Kitab Klubu
Ayda bir film izlənilməsi və mövzu üzrə diskussiya
Qısa hekayələrin və məşhur kitabların oxunub müzakirəsi
Filmlərin fraqmentləri üzərindən danışıq və lüğət tapşırıqları - Praktiki Danışıqlar və Masterklasslar
Qonaq spikerlərlə görüş
“Public Speaking” təlimləri – nitq qurma, təqdimat bacarıqları və səhnə danışığı
Real situasiyaları əhatə edən dialoq simulyasiyaları və ssenari məşqləri
Qrup layihələri və mini-təqdimatlar - “Speaking Challenge” – ilin son danışıq müsabiqəsi
- Klub üzvlərinin illik nəticələrinin müzakirəsi və rəy sessiyaları
- Fəallara təşəkkür bildirilməsi və motivasiya görüşü