Azərbaycan Universitetinin Təlim-Tədris Mərkəzi və Keyfiyyət təminatı şöbəsinin cari tədris ili ərzində universitetin akademik heyəti üçün planlaşdırdığı 2-ci təlim moduluna start verilib. 2-ci təlim modulu mərkəzin müdiri, peşəkar kurikulum təlimçisi  Samir Salayev tərəfindən “Fənn təlim nəticələrini qiymətləndirmə suallarının və dərs tapşırıqlarının yoxlanılması” mövzusunda həyata keçirilir.

Əsasən praktik fəaliyyətlərlə müşayiət olunan təlimlər 2 həftə ərzində müxtəlif tarix və saatlarda 12 qrup üçün planlaşdırılıb və ilkin qeydiyyata əsasən Azərbaycan Universitetinin 100 nəfərə yaxın müəllimini əhatə edir. 

Qeyd edək ki, Azərbaycan Universitetinin Təlim-Tədris Mərkəzi tərəfindən cari tədris ilinin ilk semestri ərzində akademik heyət üçün 4 təlim modulunun təşkili nəzərdə tutulub. Hər modulun sonunda xüsusi  tapşırıqlarla qiymətləndirilən iştirakçılara uğurlu praktik bacarıqlarına əsasən sertifikat təqdim olunacaq. 

İctimaiyyətlə əlaqələr şöbəsi