Azərbaycan Universitetinin Siyasi və ictimai elmlər kafedrasının müdiri, siyasi elmlər üzrə fəlsəfə doktoru, dosent Elvin Talışınski “International Petra Congress on Theology and Islamic Sciences" (Petra İlahiyyat və İslam Elmləri) beynəlxalq konqresinin plenar iclasında məruzə ilə çıxış edib.

Dünyanın müxtəlif ölkələrindən tədqiqatçı və alimlərin qatıldığı beynəlxalq tədbirdə “İslam dininin təhsil, elm və mənəviyyat çağırışları” mövzusunda çıxış edən Elvin Talışınski, elmin mahiyyəti və onun cəmiyyətin inkişafındakı əhəmiyyəti, İslamın elm və təhsilə baxışı, həmçinin müsəlman alimlərinin dünya elminə verdiyi töhfələr haqqında məlumat verib.

Qeyd edək ki, Türkiyənin Eskişehir şəhərində hibrid formatda keçirilən tədbirdə Azərbaycan, Özbəkistan, İndoneziya, Banqladeş və Pakistan da daxil olmaqla 15 fərqli ölkədən nümayəndələr iştirak edib.

İctimaiyyətlə əlaqələr şöbəsi