Azərbaycan Universitetində dahi Azərbaycan șairi və mütəfəkkiri Məhəmməd Füzulinin anadan olmasının 530 illiyinə həsr olunmuş “Məhəmməd Füzuli-530” adlı ədəbi-bədii gecə keçirilib. Tədbirdə böyük şairin nadir sənət nümunəsi olan zəngin irsinə nəzər salınıb, tələbələrin ifasında yaradıcılığından poetik nümunələr təqdim olunub. 

Ədəbi-bədii gecədə Məhəmməd Füzulinin həm ritmik qəzəlləri, həm də dövrün ictimai-siyasi və əxlaqi hadisələrinə qarşı münasibətini bildirdiyi, dərin mənalı əsərlərindən parçalar oxunub. Ədəbi-bədii kompozisiyanı Füzulinin qəzəllərinə bəstələnmiş romans və müsiqilər müşayiət edib. 

Sonda tədbirdə iştirak edən müəllimlər – Tərcümə və filologiya kafedrasının müdiri  Gülnar Rzayeva, kafedranın müəllimləri Hüseyn Hüseynli, Ülviyyə Əliyeva Məhəmməd Füzulinin Azərbaycan ədəbi fikrinin inkişafında müstəsna yerini və əhəmiyyətini qeyd edib, tələbələrə təşəkkür ediblər. 

Qeyd edək ki, tələbələr ədəbi-bədii gecəyə Tərcümə və filologiya kafedrasının müəllimi Solmaz Süleymanovanın rəhbərliyində hazırlaşıblar. Tədbir dahi Azərbaycan şairi Məhəmməd Füzulinin 530 illiyinin qeyd edilməsi haqqında Azərbaycan Respublikası Prezidentinin 25 yanvar 2024-cü il tarixli sərəncamını rəhbər tutaraq təşkil olunub. 

                                                                                     İctimaiyyətlə əlaqələr şöbəsi