ELANLAR
“İctimai elmlər” və “Siyasi elmlər” kafedraları üzrə kafedra müdiri vakansiyası
07
10
Azərbaycan Universiteti aşağıdakı kafedralarda boş olan vəzifələri tutmaq üçün müsabiqə elan edir.
- İctimai elmlər kafedrasının müdiri
- Siyasi elmlər kafedrasının müdiri
Müsabiqədə iştirak etmək istəyən namizədlər rektorun adına yazılmış ərizə ilə birlikdə aşağıdakı sənədləri təqdim etməlidirlər:
- Kadrlar uçotunun şəxsi vərəqəsi
- Tərcümeyi-hal
- Ali təhsil, elmi dərəcə və elmi ad haqqında sənədlərin surətləri
- Elmi və elmi- metodiki işlərin siyahısı
- Kafedranın inkişafı ilə bağlı platforma
- Əmək kitabçasından çıxarış
- Şəxsiyyət vəsiqəsinin surəti
* İngilis dili biliyi olan namizədlərə üstünlük veriləcəkdir.
Azərbaycan Respublikası Təhsil Nazirliyinin Kollegiyasının 15 noyabr 2017-ci il tarixli 5/5 saylı Qərarı ilə təsdiq edilmiş “Ali təhsil müəssisələrində kafedra müdiri, dekan və dekan müavini vəzifələrinin tutulması Qaydaları”na əsasən göstərilən vəzifəni tutmaq üçün ali təhsil müəssisəsində kafedranın profilinə uyğun peşə-ixtisas hazırlığına, elmi ad və elmi dərəcələr, ən azı 5 il elmi-pedaqoji təcrübəyə malik şəxslər müsabiqədə iştirak edə bilərlər.
Müsabiqədə iştirak etmək istəyən namizədin ərizəsi və yuxarıda qeyd olunmuş sənədlər elan verildiyi gündən başlayaraq 1 (bir) ay müddətində Azərbaycan Universitetinə təqdim olunmalıdır.
Ünvan: Bakı şəhəri, Nəsimi rayonu, Ceyhun Hacıbəyli 71
Əlavə məlumat almaq istəyənlər (012) 431 41 12 (daxili 115) nömrəli telefonla əlaqə saxlaya bilərlər.