Beynəlxalq tələbə qəbulu

Əcnəbi tələbələrin Azərbaycan Universitetinə qəbulu https://portal.edu.az/ saytı vasitəsilə həyata keçirilir.  Universitet əcnəbi vətəndaşlara bakalavriat və magistratura səviyyələrin üzrə proqramlar, həmçinin təhsilini bakalavriat yaxud magistratura səviyyələrində almaq istəyən, lakin Azərbaycan və ingilis dillərindən heç birini bilməyən müraciətçilər üçün bir illik hazırlıq kursu təklif edir. 

Daimi yaşama icazəsi, ikili vətəndaşlığı olan əcnəbilər Dövlət İmtahan Mərkəzi (DİM) tərəfindən təşkil olunan imtahanlarda iştirak edərək Universitetə qəbul ola bilər.

QƏBULDAN ƏVVƏL 

Nə vaxt müraciət etməli:  Əcnəbilərin Azərbaycan Universitetinə qəbulu ildə bir dəfə həyata keçirilir. Növbəti tədris ili üçün ərizə qəbulu may ayında açılır və sentyabrda başa çatır. Hazırlıq kursuna müraciət isə may ayından başlanır və oktyabr ayının sonuna qədər davam edir. 

• Bakalavriat səviyyəsi üzrə proqramlar 
• Magistratura səviyyəsi üzrə proqramlar (MBA* daxil olmaqla) 
• Doktorantura (PhD) ** səviyyəsi üzrə proqramlar

* Qeyd1: Doktorantura səviyyəsində təhsilini davam etdirmək istəyən MBA tələbələri mütləq magistr buraxılış işi yazmalıdırlar. Buraxılış işinin yazılmasına birinci semestrdə Ümumi orta müvəffəqiyyət gösəricisi (ÜOMG) 71-dən yuxarı olan tələbələr buraxılır. 

** Qeyd 2. Azərbaycan Universitetində doktorantura səviyyəsində təhsil qiyabi formada həyata keçirilir.

portal.edu.az saytında qeydiyyat 

Bütün xarici ərizəçilər portal.edu.az saytında onlayn qeydiyyatdan keçməlidirlər. Onlayn qeydiyyat üçün aşağıdakı sənədlər tələb olunur:

• Beynəlxalq pasport
• Tibbi arayış (HİV/AİDS, Hepatit B və C)
• 12 illik orta məktəb haqqında attestat və transkript (apostil və ya ekvivalent möhürlə)
• Transkript ilə bakalavr diplomu (apostil və ya ekvivalent möhürlə) - Magistratura proqramına müraciət edənlər üçün
• Dil Sertifikatı*

*Ana dili ingilis dili olan yaxud ingilis dilində orta məktəb, bakalavr və ya magistratura təhsili almış müraciətçilərə şamil olunmur. 

QƏBULDAN SONRA

Qəbuldan sonra universitetə təqdim ediləcək sənədlər aşağıdakılardır: 

• Əvvəlki təhsil pilləsinə dair sənədinin əsili və sürəti (notarial təsdiqli)
• Əvvəlki təhsil pilləsinə dair sənədinin Azərbaycan dilinə tərcüməsi (notarial qaydada təsdiq edilmiş)
• Pasportun surəti, 2 nüsxə
• 6 ədəd şəkil 
• Müvəqqəti yaşama icazəsinin sürəti, 2 nüsxə

Müvəqqəti yaşama icazəsinin alınması üçün lazım olan sənədlər haqqında ətraflı məlumatı buradan oxuya bilərsiniz: https://asan.gov.az/service/asan-xidmetler/miqrasiya-xidmetleri/ecnebilere-ve-vetendasligi-olmayan-sexslere-azerbaycan-respublikasinin-erazisinde-mueveqqeti-yasamaq-uecuen-icazenin-verilmesi-mueddetinin-uzadilmasi 

HAZIRLIQ KURSU

Əcnəbilər üçün hazırlıq kursu 2 dildə - Azərbaycan və ingilis dillərində təşkil olunur. Kursun müddəti 1 ildir. 

Hazırlıq kursunda təhsil almaq istəyən əcnəbi müraciətçilər portal.edu.az saytında onlayn qeydiyyatdan keçməlidirlər. 

Onlayn qeydiyyat üçün aşağıdakı sənədlər tələb olunur:

• Beynəlxalq pasport
• Tibbi arayış (HİV/AİDS, Hepatit B və C)
• 12 illik orta məktəb haqqında attestat və transkript (apostil və ya ekvivalent möhürlə)