Ali məqsədimiz daim inkişaf edən və təkmilləşən, yenilikçi universitet olaraq regionun təhsil məkanında lider ali təhsil müəssisəsinə çevrilmək, beynəlxalq aləmdə tanınmış universitetlər sırasına daxil olmaqdır.
Azərbaycanın ilk özəl universitetinin maddi-texniki baza və akademik – inzibati heyəti qabaqcıl tədris proqramları və texnologiyalarını tətbiq etməklə müasir çağırışlara cavab verən, gələcəyi şəkilləndirmək əzmində olan peşəkar kadrların hazırlanması üçün səfərbər olunub.
Tələbələrimizin hərtərəfli inkişafı, şəxsiyyət kimi təkmilləşmələri, ümumbəşəri dəyərləri mənimsəməklə yanaşı milli ruhda yetişmələri də bizim üçün əhəmiyyətlidir.
Öz büdcəsindən maliyyələşən daxili təqaüd proqramları tətbiq edən Azərbaycan Universiteti eyni zamanda sosial məsuliyyəti bölüşən elm və təhsil müəssisəsidir.