ELANLAR

Azərbaycan Universitetinin Beynəlxalq əlaqələr şöbəsi mübadilə proqramı çərçivəsində Litvanın Mykolas Romeris Universitetinə (Mykolas Romeris University) sənəd qəbulu elan edir. 2026/2027-ci tədris ilinin payız semestrini universitetlərarası mübadilə proqramı çərçivəsində Litvada oxumaq istəyən tələbələr Beynəlxalq əlaqələr şöbəsinə (IV mərtəbə, 504-cü otağa) müraciət edə bilərlər.

Tələbələrin seçimi müsahibə yolu ilə həyata keçiriləcəkdir. Azərbaycan Universitetinin təşkil etdiyi müsahibədən uğurla keçən tələbələr sənədlərini tərəfdaş universitetin onlayn sisteminə yükləyəcəklər. Onların təqaüd qazanıb-qazanmadıqları ilə bağlı məlumat tərəfdaş universitet tərəfindən iyun ayına qədər tələbələrə elektron poçt vasitəsilə göndəriləcək.

Mübadilə proqramında iştirak etmək istəyən tələbələr üçün şərtlər 

• İngilis dili səviyyəsi minimum B2 olmalı; 
• Ümumi Ortalama Müvəffəqiyyət Göstəricisi minimum 75 olmalı; 
• İxtisas üzrə uyğunluq gözlənilməlidir.  

Son müraciət tarixi 1 aprel 2026-cı ildir. 

Aşağıdakı keçidlərə daxil olaraq ixtisaslar barədə daha ətraflı məlumat əldə edə bilərsiniz. 

https://stdb.mruni.eu/studiju_programu_katalogas.php?l=en

İctimaiyyətlə əlaqələr şöbəsi