Azərbaycan Universiteti Bakı Ekspo Mərkəzində keçirilən 10-cu Bakı Beynəlxalq Kitab Sərgisində öz stendi ilə təmsil olunur. Azərbaycan Universitetinin stendində əsasən, universitetin nəşrləri, elmi jurnallar, konfrans materialları, o cümlədən professor-müəllim heyətinin dərslik və dərs vəsaitləri nümayiş olunur. Oktyabrın 2-də başlayan sərgi dahi Azərbaycan șairi və mütəfəkkiri Məhəmməd Füzulinin (1494-1556) anadan olmasının 530 illiyinə həsr olunub. 

Sərgidə Azərbaycanla yanaşı, Türkiyə, İtaliya, Çin, Rusiya, Cənubi Koreya,  Macarıstan, Qazaxıstan, Qətər, Özbəkistan, Oman, Argentina, Mərakeş, Venesuela, Gürcüstan, Meksika, Kolumbiya, Çili və Monqolustandan tanınmış yazıçı və şairlər, elm adamları, gənc yazarlar iştirak edirlər. Sərgi tarixində ilk dəfə yeddi gün sürəcək kitab bayramında uşaqlar və böyüklər üçün ustad dərsləri, kitab təqdimatları, imza günləri, konfranslar, simpoziumlar, müsabiqələr, qiraət və musiqi saatları formatında ümumilikdə 327 tədbirin keçirilməsi nəzərdə tutulub. 

Mədəniyyət Nazirliyinin təşkilatçılığı ilə keçirilən sərgi oktyabr aynını 8-dək davam edəcək. 

İctimaiyyətlə əlaqələr şöbəsi