XƏBƏRLƏR
Abituriyent Məsləhət Mərkəzi 26 avqust şənbə günü də fəaliyyət göstərəcək
Ali təhsil müəssisələrinə tələbə qəbulu müsabiqəsində iştirak etmək üçün ixtisas seçimi davam edir. Abituriyentlər 28 avqust saat 23.59-dək qəbul olmaq istədikləri ixtisasları “Abituriyentin elektron ixtisas seçimi ərizəsi”nə daxil edib təsdiq etməlidirlər. Müsabiqəyə yalnız ərizəsini təsdiq etmiş şəxslər buraxılırlar.
Abituriyentlərin və yaxınlarının, o cümlədən subbakalavrların nəzərinə çatdırırıq ki, Azərbaycan Universitetinin Abituriyent Məsləhət Mərkəzi 26 avqust şənbə günü də fəaliyyət göstərəcək. Mərkəz, Bakı şəhəri, Nəsimi rayonu, Ceyhun Hacıbəyli 71 ünvanında saat 10.00-dan 17.00-dək açıq olacaq. Abituriyentlər və subbakalavrlar elektron ixtisas seçimi ərizəsinin doldurulması və təsdiqi üçün mərkəzə müraciət edə bilərlər.
Qeyd edək ki, mərkəz ödənişsiz əsaslarla xidmət göstərir.
İctimaiyyətlə əlaqələr şöbəsi