Azərbaycan Universitetində Elm şöbəsinin təşkilatçılığı ilə professor-müəllim və tələbə heyəti üçün “Yaşıl enerji texnologiyası: yaşıl hidrogen” mövzusunda elmi seminar keçirilib. Seminarda Almaniyanın “Siemens Energy” şirkətinin Elm və texnika bölməsinin rəhbəri, professor Yaşar Musayev məruzə ilə çıxış edib. 

Tədbiri giriş sözü ilə universitetin elmi işlər üzrə prorektoru Yusif Qasımov açaraq, məruzəçini iştirakçılara təqdim edib və elmi fəaliyyəti haqqında məlumat verib. 

Daha sonra Yaşar Musayev təqdimatla çıxış edib. Qonaq təqdimatında yaşıl enerji, yaşıl hidrogen texnologiyaları sahəsində həyata keçirilən yeniliklər, yaşıl hidrogen istehsalının perspektivləri, Azərbaycanda bu istiqamətində görülən işlər haqqında danışıb. Yaşar Musayev “Siemens Energy” şirkətinin yaşıl enerji sahəsindəki fəaliyyəti, istiqamətləri və bu kimi məsələlər haqqında da məlumat verib.

Sonda iştirakçıların sualları cavablandırılıb.

İctimaiyyətlə əlaqələr şöbəsi