XƏBƏRLƏR
Azərbaycan Universiteti 12-ci Beynəlxalq Təhsil Sərgisində iştirak edir
Bu gün Bakı Ekspo Mərkəzində 12-ci Azərbaycan Beynəlxalq Təhsil sərgisi işə başlayır. Sərgidə öz stendi ilə çıxış edən Azərbaycan Universiteti sərgi ziyarətçilərinə təhsil ödənişində güzəşt nəzərdə tutan 5 ədəd vauçer təqdim edir.
Vauçer sahibləri Universitet stendinin ziyarətçiləri arasından çəkilişlə müəyyənləşdiriləcəkdir.
Hər vauçer birinci tədris ilinin təhsil ödənişində 10% güzəşt nəzərdə tutur.
Vauçerlər yalnız 2019/2020-ci tədris ilində istifadə oluna biləcək.
Vauçerdən qalibin özü yaxud birinci dərəcədən yaxınları (oğul, qız, bacı, qardaş) istifadə edə bilər.
Daha ətraflı məlumat üçün E1122 nömrəli stendimizə yaxınlaşa bilərsiniz.
12-ci Azərbaycan Beynəlxalq Təhsil Sərgisinin bütün iştirakçılarına uğurlar arzulayırıq!
İctimaiyyətlə əlaqələr şöbəsi
11.10.2018