XƏBƏRLƏR

Azərbaycan Universiteti “Media və təhsil dialoqu” konfransında təmsil olunub

Azərbaycan Universiteti “Media və təhsil dialoqu” konfransında təmsil olunub

16 iyul 2019

Baxış sayı: 2841

Təhsil Nazirliyinin təşəbbüsü ilə Bakı Dövlət Universitetində “Ali təhsil müəssisələrində PR: strukturun və media ilə işin düzgün qurulması, hədəf auditoriyaları” mövzusunda təlim-konfrans keçirilib. Tədbirdə Azərbaycan Universitetini İctimaiyətlə əlaqələr şöbəsinin rəhbəri Lalə Dilənova təmsil edib.

Bakı Dövlət Universitetinin rektoru Elçin Babayev təlim-konfransın media ilə təhsil dialoqu baxımından mühüm əhəmiyyətini qeyd edib, təlimin əsas məqsədinin ali təhsil müəssisələri ilə media qurumlarının əlaqələrinin daha da yaxşılaşdırılması, mətbuat xidməti rəhbərlərinin bu sahədə bacarıq və peşəkarlıqlarının artırılması olduğunu bildirib.

Təhsil nazirinin müşaviri Elnur Məmmədov ali təhsil müəssisələrində PR işinin təşkilinin əsas məqsədlərini sadalayıb, təhsilin mediada düzgün və geniş şəkildə işıqlandırılmasının əhəmiyyətindən bəhs edib.

Təhsil Nazirliyinin sektor müdiri Cəsarət Valehovun moderatorluğu ilə davam edən konfransda  BDU-nun jurnalistika fakültəsinin dekanı Vüqar Əliyev və Mətbuat və informasiya şöbəsinin müdiri Pərvanə İbrahimova “PR: strukturun və media ilə işin düzgün qurulması… Hədəf auditoriyası kimdir?”, “Alibayov” kommunikasiya və konsaltinq şirkətinin baş direktoru Vəli Əlibəyov isə “Ali təhsil müəssisələrində ictimaiyyətlə əlaqələr fəaliyyətinin strategiya və taktikası” mövzusunda təqdimatla çıxış ediblər. Bildirilib ki, müəssisənin daxili PR-nın təşkili, KİV və sosial mediada monitorinqin aparılması, kommunikasiya və ictimaiyyətlə əlaqələr sahəsində beynəlxalq təcrübənin tətbiqi vacib məsələlərdəndir.

Təlim-konfrans mövzu ilə bağlı müzakirələrlə davam etdirilib.

İctimaiyyətlə əlaqələr şöbəsi
16.07.2019

DİGƏR XƏBƏRLƏR