Azərbaycan Universitetinin tələbəsi Elimxan Əliyev magistraturaya qəbul imtahanında 93 bal toplayaraq respublika üzrə ən yüksək nəticə göstərənlərdən biri olub.

Elimxan Əliyev 2016-cı ildə ali məktəblərə qəbul imtahanında da yüksək nəticə əldə edərək 636 balla Azərbaycan Universitetinin tədrisi ingilis dilində aparılan  maliyyə ixtisasına qəbul olub. O, Gürcüstan Respublikasının vətəndaşı olduğu üçün Dövlət Sifarişi ilə təhsil ala bilmir. Azərbaycan Universitetinin 600 və yuxarı bal toplayaraq ödənişli əsaslarla qəbul olan tələbələr üçün tətbiq etdiyi xüsusi güzəşt proqramı ilə ödənişsiz əsaslarla oxuyur.

Elimxan Əliyev 2017/2018-ci tədris ilinin yaz semestrini “Erasmus+” mübadilə proqramı çərçivəsində Almaniyanın tərəfdaş Koblenz Universitetində oxuyub.

Nümunəvi, çalışqan və ictimai fəal tələbədir.

Ali təhsilin hər iki pilləsinin qəbul imtahanlarına Kainat Tədris Mərkəzində hazırlaşıb.

İctimaiyyətlə əlaqələr şöbəsi
26.02.2020