Azərbaycan Universitetində  2023/2024-cü tədris ilinin yaz semestrinin hazırlıqları davam edir. Bu çərçivədə Keyfiyyət təminatı şöbəsi tərəfindən akademik heyət üçün təşkil olunan “Sillabusların tərtibi qaydaları” təlimləri başa çatıb.

Daxili keyfiyyət təminatının səmərəli təşkilinə dəstək məqsədilə keçirilən təlimlərdə sillabusun (tədris proqramı) strukturu, tərtibi, tədris prosesində sillabusdan istifadə qaydaları haqqında professor-müəllim heyətinə məlumat verilib.

Təlimlərdə həmçinin sillabusların təhlilinin nəticələri diqqətə çatdırılıb, yenilənməsi və təkmilləşdirilməsinə dair tövsiyələr öz əksini tapıb.

İctimaiyyətlə əlaqələr şöbəsi