Azərbaycan Universitetinin 2 tələbəsi “Erasmus+” mübadilə proqramı çərçivəsində 2023/2024-cü tədris ilinin yaz semestrini xarici tərəfdaş universitetlərdə davam etdirmək hüququ əldə edib. Proqramda iştirak etməyə haqq qazanmış tələbələr Biznes və iqtisadiyyat fakültəsində təhsil alır.

İngilisdilli marketinq ixtisasında təhsil alan II kurs tələbəsi Natəvan Pirili Almaniyanın Koblenz Universitetində, İqtisadiyyat ixtisası üzrə təhsil alan II kurs tələbəsi Nurlan Mədətxanov isə Türkiyənin Anadolu Universitetində oxuyacaq.  Tələbələr növbəti tədris ilində Azərbaycan Universitetinə qayıdaraq təhsillərini davam etdirəcəklər.

Tələbələrimizi təbrik edir, uğurlar arzulayırıq!

İctimaiyyətlə əlaqələr şöbəsi