Bu gün Azərbaycan Universitetində Gənc tədqiqatçıların IV respublika elmi konfransı keçiriləcək. Mövcud ekstremal şəraitə uyğun olaraq konfransın işi zoom platforması üzərindən təşkil olunur. Konfransın plenar məruzəçisi AMEA-nın vitse-prezidentinin xidmətinin elmi katibi, Folklor İnstitutunun aparıcı elmi işçisi, filologiya üzrə fəlsəfə doktoru, dosent Hikmət Quliyevdir. Hikmət Quliyev “Azərbaycan folklorşünaslığı yeni elmi paradiqma və reallıqlar qarşısında: İnternet folkloru problemi” mövzusunda çıxış edəcək.

Ümummilli lider Heydər Əliyevin anadan olmasının 98-ci ildönümünə həsr olunan konfrans saat 11.00-da başlayacaq.

Konfransın materialları toplu şəklində çap olunub.

Konfransın səhifəsinə keçid:

İctimaiyyətlə əlaqələr şöbəsi
09.04.2021