Azərbaycan Universitetində “HIV/QİÇS, stiqma və reinteqrasiya” mövzusunda maarifləndirici sessiya keçirilib. Sessiyada Həyat fəaliyyətinin müxtəlif sahələrində sosial iş ixtisasının II kurs magistratura tələbələri HIV/QİÇS, HIV-ə yoluxan insanların üzləşdiyi ictimai stiqma və diskriminasiya, psixososial dəstək xidmətləri, effektiv müalicə və reabilitasiya modelləri kimi mövzularda təqdimatlar nümayiş etdiriblər. 

Tələbələrin hazırladıqları təqdimatlarda dünyada və regionda HIV/QİÇS ilə bağlı mövcud vəziyyət, beynəlxalq təşkilatlar – UNAIDS (BMT-nin İnkişaf Proqramı), WHO (Ümumdünya Səhiyyə Təşkilatı), UNDP (BMT-nin HIV/QİÇS üzrə Birləşmiş Proqramı) tərəfindən dəstəklənən reinteqrasiya proqramları, sosial təcridin nəticələri və risk qruplarının cəmiyyətə uyğunlaşması ilə bağlı aktual mövzular yer alıb, HIV-ə yoluxmuş şəxslərin psixososial dəstək ehtiyacları, stiqma və diskriminasiya ilə mübarizədə sosial işin rolu, müasir reabilitasiya yanaşmaları və icma əsaslı xidmətlərin əhəmiyyəti vurğulanıb.

Tədbir təqdimatların ardından müasir sosial iş praktikasında tətbiq olunan müdaxilə modelləri barədə real nümunələr əsasında müzakirə ilə davam edib. Müzakirəyə Sosial işin təşkili kafedrasının müdiri Nigar Şahhüseynbəyova  moderatorluq edib. 

İctimaiyyətlə əlaqələr şöbəsi