Mərkəzi Bank tərəfindən Azərbaycan Universitetinin Biznes və iqtisadiyyat fakultəsinin tələbələri üçün “Maliyyə savadlılığı" mövzusunda sertifikatlı təlim keçirilib. Üçgünlük təlimin birinci günündə “Mərkəzi Bankın elektron resursları” və “Vətəndaşlar üçün sığorta”, ikinci günündə “Əmanətlərin sığortalanması” və “İstehlak kreditləri”, üçünü günündə isə “Milli pul nişanlarımız və onların mühafizə elementləri” və “Neuromarketinq” mövzuları tədris olunub. Təlimləri Mərkəzi Bankın İstehlakçılarla iş departamentinin əməkdaşları aparıb. 

Təlimlərdə Biznes və iqtisadiyyat fakültəsinin, Maliyyə və mühasibat kafedrasının, İqtisadiyyat və idarəetmə kafedrasının əməkdaş və müəllimləri də iştirak edib.

İctimaiyyətlə əlaqələr şöbəsi