Dünyanın nüfuzlu tədris və təlim şirkəti “Pearson” ilə Azərbaycan Universiteti arasında mümkün əməkdaşlıq imkanları müzakirə olunub.

Görüşdə Azərbaycan Universitetinin rektoru Səadət Əliyeva, Beynəlxalq əlaqələr şöbəsinin müdiri Bəxtiyar Bədəlov, Biznes və iqtisadiyyat fakültəsinin dekanı Vüsal Həsənov, “Pearson” şirkətinin Mərkəzi və Şərqi Avropa üzrə Biznezin inkişafı direktoru Mark Cauchman, “Oxbridge” Təhsil Xidmətlərinin direktoru Nailə Rzayeva və layihənin direktoru Rüfət Abdullayev iştirak edib.

Görüşdə qonağa Azərbaycan Universitetinin fəaliyyəti, beynəlxalq əlaqələri, maddi-texniki bazası haqqında məlumat verilib, qarşılıqlı maraq doğuran bir sıra məsələlər ətrafında fikir mübadiləsi və müzakirələr aparılıb.  

İctimaiyyətlə əlaqələr şöbəsi
25.04.2017