Azərbaycan Universitetinin rektoru, filologiya üzrə fəlsəfə doktoru Səadət Əliyeva universitetin Mərakeş və Pakistandan olan əcnəbi tələbələrini qəbul edib. Səmimi atmosferdə keçən görüşdə Mərakeşli tələbə Cherif Lahgazi və Pakistanlı tələbə Noman Anvar iştirak ediblər. Cherif Lahgazi Marketinq ixtisası üzrə II kurs, Noman Anvar isə Biznesin idarə edilməsi ixtisası üzrə II kurs tələbəsidir. 

Rektor Səadət Əliyeva görüşdə tələbələrin Azərbaycan və universitet haqqında təəssüratları, dərslərə və imtahanlara hazırlıqları, universitetin ictimai həyatında, sosial və mədəni tədbirlərdə iştirakları ilə maraqlanıb, təkliflərini dinləyib, suallarını cavablandırıb. 

Tələbələr Azərbaycanda olmaqdan məmnunluqlarını, universitetdə onlara yaradılan şəraitdən razılıqlarını ifadə edib, səmimi görüşə görə rektora təşəkkür ediblər. 

İctimaiyyətlə əlaqələr şöbəsi