Türkiyənin İnönü Universitetinin tələbəsi Osman Yılmaz 2016/2017-ci tədris ilinin payız semestrini Azərbaycan Universitetində oxuyub. Rektor Fərid Əhmədov tərəfindən semestri uğurla başa vurması səbəbiylə sertifikatla təltif olunan Osman Yılmaz İngilis dili müəllimliyi ixtisası üzrə təhsil alır, III kurs tələbəsidir. Türkiyənin Malatya şəhərindən Bakıya “Mövlanə” mübadilə proqramı ilə gəlib.

Semestri başa vuraraq Türkiyəyə qayıtmağa hazırlaşan Osman Yılmazın Azərbaycan Universitetində əldə etdiyi təhsil kreditləri İnönü Universiteti tərəfindən müvafiq qaydada tanınacaq.

Qeyd edək ki, Osman Yılmaz İnönü Universitetinin "Mövlanə" mübadilə proqramında iştirak edən ilk tələbəsidir.

İctimaiyyətlə əlaqələr və nəşriyyat şöbəsi
10.01.2017