Azərbaycan Universitetinin Siyasi elmlər kafedrasının müəllimi Fərahilə Şükürova “Erasmus+” mübadilə proqramı çərçivəsində Türkiyənin İzmir şəhərində yerləşən Ege Universitetinə ezam olunub. Aprelin 15-dən 25-dək bu ali məktəbin Kommunikasiya (İletişim) fakültəsinin İctimaiyyətlə əlaqələr və reklam kafedrasında tədris prosesində iştirak edən Fərahilə Şükürova tələbələrə “Ulu öndər Heydər Əliyevin xarici siyasətində Türk dünyası” mövzusunda mühazirə oxuyub. 

Siyasi elmlər kafedrasının əməkdaşı səfər zamanı fakültə rəhbərliyi ilə də görüşüb, universitetlər arasında əməkdaşlıq istiqamətləri, birgə elmi-tədqiqat layihələrinin həyata keçirilməsi kimi məsələlər müzakirə olunub. 

İctimaiyyətlə əlaqələr şöbəsi