Azərbaycan Universitetinin Biznes və iqtisadiyyat fakültəsində təhsil alan tələbələri üçün “Karyeramda ilk addım” mövzusunda təlim keçirilib. Təlimi İqtisadiyyat və idarəetmə kafedrasının müəllimi Tərlan Rəsulov aparıb.

Tədbiri kafedranın müdiri Tural Qocayev açaraq təlimin mövzusu haqqında məlumat verib və karyera planlamasının tələbələr üçün vacibliyini vurğulayıb.

Sonra Tərlan Rəsulov özünü tanıma, iş dünyası araşdırması, ilkin iş təcrübəsi, qərar vermə prosesi, iş axtarma prosesi, karyeranın idarə edilməsi məsələlərinə toxunub. 

İnteraktiv müzakirələrlə davam edən təlimdə iştirakçılara peşəkar inkişaf üçün atılmalı olan addımlar və əmək bazarına çıxışın yolları da izah olunub. 

İctimaiyyətlə əlaqələr şöbəsi