Azərbaycan Universiteti “43-cü ACM ICPC Universitet Tələbələrinin Beynəlxalq Proqramlaşdırma” Müsabiqəsinin növbəti 1/4 final mərhələsində (XIV Azərbaycan Birinciliyi) 3 komanda ilə təmsil olunub. Müsabiqədə bu il 17 ali təhsil müəssisəsindən 45 komanda iştirak edib.

Bakı Mühəndislik Universitetində keçirilən müsabiqədə komandalara 5 saat ərzində 12 alqoritmik məsələni C, C++, Java və ya Python proqramlaşdırma dillərində həll etmək tapşırığı verilib.

Müsabiqədə müvəffəqiyyət qazanan komandalar Gürcüstan Respublikasının Tbilisi şəhərində keçiriləcək “43-cü ACM ICPC Universitet Tələbələrinin Beynəlxalq Proqramlaşdırma” müsabiqəsinin yarımfinal mərhələsində və Cənubi Qafqaz açıq çempionatında iştirak etmə hüququ əldə edəcəklər.

Komandalarımızın tərkibi və rəhbərləri aşağıdakı kimidir:

AU-1 komandası (Rəhbər İKT fakültəsinin dekanı Asif Paşayev)

• Zakirli Fəhmin (Kompüter mühəndisliyi)
• Həbibli Əlizaman (Kompüter mühəndisliyi)
• Əliyev Elimxan (Maliyyə)

AU-2 komandası (Rəhbər Riyaziyyat və informatika kafedrasının müəllimi Əbilhəsən Əhmədov)

• İsmayılov Xəyal (Kompüter mühəndisliyi)
• Tağıyev Ayxan (Kompüter mühəndisliyi)
• Vəlizadə Nurlan (Tərcümə)

AU-3 komandası (Rəhbər Riyaziyyat və informatika kafedrasının müəllimi Əbilhəsən Əhmədov)

• Muxtarova Lalə (Kompüter elmləri)
• Quliyev Cahandar (Kompüter elmləri)
• Mirəliyev Rabil (Kompüter elmləri)

İctimaiyyətlə əlaqələr şöbəsi
29.10.2018