Azərbaycan Universitetinin Sosial iş ixtisası üzrə təhsil alan III kurs tələbəsi Elçin Qurbanzadə budo döyüş növləri üzrə uşaqlar, yeniyetmələr, gənclər və böyüklər arasında 10-cu açıq Azərbaycan birinciliyi və çempionatında birinci yeri tutub. Elçin Qurbanzadə İmişli rayonunda keçirilən yarışda 18 yaş və üzəri kişilər arasında 85 kq çəki dərəcəsində mübarizə aparıb. Müsabiqə Xocalı Soyqırımının 26-cı ildönümünə həsr olunub.

Respublika çempionatından iki gün sonra isə tələbəmiz Bakı şəhərində keçirilən budo döyüş növləri üzrə kəmər imtahan və məşqçilik seminarında yüksək bacarıq göstərərək “1 dan qara kəmər” və məşqçilik dərəcəsinə layiq görülüb.

Elçin Qurbanzadə diplom və sertifikatla təltif olunub.

İctimaiyyətlə əlaqələr şöbəsi
13.03.2018