Azərbaycan Universitetinin ingilisdilli menecment ixtisası üzrə təhsil alan III kurs tələbəsi Toğrul Quliyev “Education First” (EF) beynəlxalq dil sertifikatının C1 səviyyəsini almağa nail olub.

Tələbəmiz yay aylarında EF Beynəlxalq Dil Mərkəzləri (International Language Centres) tərəfindən Maltada təşkil olunan 1 aylıq intensiv dil kursunda iştirak edib.  Tətilinin bir hissəsini fərqli mədəniyyətləri kəşf edərək keçirən, dil tədrisini səyahət ilə birləşdirən tələbəmiz imtahanı uğurla verərək irəli səviyyə dil sertifikatını əldə edib.

Qeyd edək ki, dünyanın ən böyük təhsil şirkətlərindən biri olan EF geniş dil öyrənmə imkanları, təhsil turları, mədəni mübadilə, yay məktəbi  proqramları təklif edir.

İctimaiyyətlə əlaqələr şöbəsi
26.10.2018