Azərbaycan Universitetinin Biznes və iqtisadiyyat fakültəsinin 2-ci kursda təhsil alan tələbələri İT bacarıqlarının inkişafı məqsədilə “Antec Academy”də təşkil olunan “Excel” adlı təlimdə iştirak ediblər.

Təlimdə tələbələrə əvvəlcə “Antec Academy”nin rəhbəri, İT və proqramlaşdırma sahəsi üzrə mütəxəssis Günay Hüseynli şirkətin yaranması və fəaliyyət istiqamətləri haqqında məlumat verib.

Ardınca tələbələrə “Excel”də diaqramların qurulması, hesablamaların aparılması, vikipedia məlumatlarının “Excel”ə köçürülməsi, statistikaların hazırlanması və bu kimi mövzularda təqdimat edilib.

Təlim tələbələrin suallarının cavablandırılması ilə davam edib.

İctimaiyyətlə əlaqələr şöbəsi