Bu gün Azərbaycan Universitetinin professoru, hüquq üzrə elmlər doktoru Mayis Əliyevin 50 illik yubileyidir.

Azərbaycan Universitetinin kollektivi adından Mayis müəllimi 50 illik yubileyi münasibətilə təbrik edir, can sağlığı, səmərəli elmi-pedaqoji fəaliyyət arzulayırıq!

Mayis Nəbi oğlu Əliyev 1968-ci ildə  Tovuz rayonunun Yanıxlı kəndində anadan olub. 1994-cü ildə Bakı Dövlət Universitetinin hüquq fakültəsini bitirib. 1999-cu ildə hüquq üzrə fəlsəfə doktoru, 2005-ci ildə hüquq üzrə elmlər doktoru elmi dərəcəsi, 2013-cü ildə professor elmi adı alıb.

Elmi tədqiqat işləri ilə yanaşı müxtəlif illərdə ali məktəblərdə pedaqoji fəaliyyətlə məşğul olub. 2016-cı ildən Azərbaycan Universitetinin professorudur.

2012-ci ildə Azərbaycan Respublikası Təhsil Nazirliyinin Fəxri Fərmanı ilə təltif olunub.

50-dən çox məqalənin, 5 monoqrafiyanın, 7 kitabın və 2 dərsliyin müəllifidir.

İctimaiyyətlə əlaqələr şöbəsi
21.10.2018