Azərbaycan Universitetinin Tərcümə və filologiya kafedrası tərəfindən “Sinfin idarə olunmasının prinsipləri və strategiyaları” mövzusunda seminar təşkil edilib. Universitetin bir qrup müəllim və tələbə heyətinin iştirak etdiyi tədbirdə kafedranın dosenti Eldar Şahgəldiyev ingilis dilində məruzə ilə çıxış edib. 

Məruzədə seminar iştirakçılarına sinfin idarə olunması ilə bağlı nəzəri biliklərlə yanaşı, bu sahədə tətbiq edilən səmərəli praktik metodlar da təqdim olunub. Təcrübəyə əsaslanan yanaşmalar seminarın interaktiv və faydalı keçməsinə şərait yaradıb.

Məruzənin ardından iştirakçılar mövzu ətrafında fikir mübadiləsi aparıblar, həmçinin suallar cavablandırılıb. 

Qeyd edək ki, tədbir Tərcümə və filologiya kafedrasının “Təhsil psixologiyası” mövzusunda təşkil etdiyi silsilə seminarların ikincisidir. Ümumilikdə, 10 seminarın keçirilməsi nəzərdə tutulur.

İctimaiyyətlə əlaqələr şöbəsi