Azərbaycan Universiteti beynəlxalq reytinqlərdə irəliləməyə davam edir. Yerinə yetirilən tədqiqat işlərinin həm həcmində, həm də istinad indikatorlarında yüksək nəticələr qeydə alınıb. Belə ki,  universitetin Web of Science bazası üzrə H-indeksi 2024-cü il ilə müqayisədə 5 bal artaraq 34-ə, Scopus bazası üzrə isə 37-yə yüksəlib. Universitet bu göstərici ilə Web of Science və Scopus bazalarında ölkə üzrə 6-cı yerdə qərarlaşıb. 

2024-cü ildə aparılmış elmi-tədqiqat işlərinin nəticələrinə görə, universitet əməkdaşlarının Web of Science bazasında indekslənən jurnallarda əslində 99 məqaləsi çap olunub. Azərbaycan Universiteti məqalə sayına görə ölkə universitetləri arasında 7-ci yerdədir. Universitet əməkdaşlarının qeyd olunan bazada indekslənən jurnallarda çap olunan məqalələrinə 2024-cü ildə olan istinadların sayı Web of Science bazası üzrə 1379, Scopus bazası üzrə isə 1741 olmuşdur. Bu nəticələrə əsasən, Azərbaycan Universiteti ölkə üzrə 5-ci yerdədir.  

Milli H-indeksinin reytinq göstəricisinə görə (Azerbaijan National H-index Ranking 2024) universitet ali təhsil müəssisələri arasında ölkə üzrə 7-ci yerdə qərarlaşıb. Milli H-index Ranking məlumat toplamaq və ölkədəki alimlərin, tədqiqat qruplarının və tədqiqat təşkilatlarının elmi məhsuldarlığını qiymətləndirmək üçün Scopus, Web of Science və Google Scholar məlumatlarından istifadə edir. Bu məlumatlar əsasında Milli H-indeksinin reytinq göstəricisi və reytinqdə müvafiq mövqe formalaşır.

İctimaiyyətlə əlaqələr şöbəsi